Qubada polis əməkdaşının avtomobillə vurduğu ahıl kişi xəstəxanada dünyasını dəyişib. Bu barədə ShimalNews 21 mart tarixində xəbər verir.
Hadisə martın 15-i Alekseyevka kəndi ərazisində qeydə alınıb. Əvvəllər Quba RPŞ-nin Yol Patrul Xidmətinin polis nəfəri vəzifəsində işləmiş 31 yaşlı Firuz Heydərov idarə etdiyi “Toyota Land Cruiser Prado” markalı avtomobillə 82 yaşlı Hacıağa Babəliyevi vurub.
Piyada xəstəxanaya yerləşdirilib. Lakin həkimlərin səyinə baxmayaraq, o, 5 gündən sonra, ötən gün ölüb.
Faktla bağlı cinayət işi başlanıb.
