Xaçmaz Rayon İcra Hakimiyyətində 5 Mart - Bədən Tərbiyəsi və İdman Günü ilə əlaqədar tədbir keçirilib. Bu barədə ShimalNews 4 mart tarixində məlumat verir.
İcra başçısı Elnur Rzayev idmançıları və onların məşqçilərini əlamətdar bayram münasibətilə təbrik edib, gələcək yarışlarda uğurlar arzulayıb.
Görüşdə rayonumuzun idmançılarının uğurlarından danışılıb. Bildirilib ki, ötən il ərzində beynəlxalq yarışlarda 3 qızıl, 4 gümüş və 19 bürünc medal qazanılıb.
Sonda fəaliyyətlərinə görə bir qrup şəxs, o cümlədən idman klublarının məşqçi-müəllimləri, eləcə də yarışlarda uğur qazanan idmançılar fəxri fərmanlarla təltif ediliblər.
