"Yaşıl dünya naminə həmrəylik ili" ilə əlaqədar Xaçmazda ekoloji tədbir təşkil olunub. Bu barədə ShimalNews 4 mart tarixində məlumat verir.
Təmizlik aksiyasında Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun müdiri Elman Məmmədov, sektorun əməkdaşları, 15 nəfər yeniyetmə və gənc idmançı iştirak ediblər. Onlar Olimpiya İdman Kompleksində abadlıq işləri görüblər.
Bununla ətraf mühitin çirklənməsinin qarşısını almaq, Kompleksin ərazisinin təmizliyinin qorunması, digər yeniyetmə və gəncləri ərazinin təmiz saxlanılmasına təşviq etmək və "Yaşıl dünya naminə həmrəylik ili"nə töhfə vermək hədəfə alınmışdır.
