Qusarda “Dəm qazı ölüm təhlükəsi yaradır" mövzusunda maarifləndirici tədbir keçirilib. Bu haqda ShimalNews 23 fevral tarixində məlumat verir.
Tədbir Fövqəladə Hallar Nazirliyinin Şimal Regional Mərkəzinin əməkdaşları tərəfindən Rayon Mərkəzi Xəstəxanasında təşkil edilib.
Kapitan Ramil Quliyev tədbir iştirakçılarına təhlükədən qorunmaq yollarını izah edib. Tibbi heyətə aşağıdakı mövzular haqda ətraflı məlumat verilib:
-evdə çalışan qaz cihazı saz və standartlara uyğun olmalıdır;
-cihaz olan məkanın hündürlüyü 2 metr 20 santimetrdən az olmamalıdır;
-havaçəkən sistem işləməli, nəfəslik açıq olmalıdır;
-hamamda mütləq ventilyasiya borusu, qapısının aşağı hissəsində isə dəliklər olmalıdır;
-tüstü bacaları ildə iki dəfə təmizlənməlidir.
Dəm qazından zəhərlənmənin əlamətləri: baş ağrısı, baş gicəllənməsi, ürək bulanması, halsızlıq.
