Qubanın Alekseyevka kəndində sakinlərin 2 həftədir yaşanan su problemi həll olunub. Bu haqda ShimalNews 24 sentyabr tarixində məlumat verir.
Daha öncə 120-yə yaxın ailənin susuz qaldığı haqda məlumat vermişdik. Sakinlər 2600 manat pul toplayaraq artezian quyusunu yeni su nasosu ilə təmin etmələrinə baxmayaraq o, yenə sıradan çıxmışdır.
Sakinlərin sözlərinə görə, təmir onların şəxsi vəsaiti hesabına həyata keçirilib. Bu dəfə təmirə 800 manat topladıqdan sonra quyu yenidən çalışmağa başlayıb.
Bu hal Alekseyevka kəndində daim baş verir. Məsələ ilə bağlı sakinlər səlahiyyətli şəxslərə dəfələrlə müraciət ediblər.
