Qubada narkotik vasitələrin qanunsuz dövriyyəsinə qarşı əməliyyat zamanı 2 nəfər tutulub. Bu barədə ShimalNews 20 fevral tarixində DİN-in Mətbuat Xidmətinə istinadən xəbər verir.
Polis əməkdaşları əməliyyat-axtarış tədbirləri keçiriblər. Nəticədə rayon sakini Zaur Məmmədov və əvvəllər məhkum olunmuş Bakı şəhər sakini Hikmət İsayev saxlanılıblar.
Həmin şəxslərin üzərlərinə, eləcə də Z.Məmmədovun avtomobilinə və evinə baxış keçirilən zaman ümumilikdə 1 kq-dan artıq (1165 qr) narkotik vasitə olan marixuana, eləcə də 1 ədəd “Kalaşnikov” markalı avtomat, 1 ədəd həmin silaha məxsus patron darağı və 6 ədəd güllə aşkar olunaraq götürülüb.
Məhkəmənin qərarı ilə hər iki şəxsin barəsində həbs qətimkan tədbiri seçilib.
