Quba rayonunun Vəlvələ kəndində inşa edilən yeni məktəb binası bir aya hazır olacaq. Bu haqda ShimalNews 10 yanvar tarixində “AzTV”yə istinadən məlumat verir.
Təhsil müəssisəsində müasir istilik sistemi qurulub. Sinif otaqları, laboratoriya, gənclərin çağırışa qədərki hazırlığı, əmək təlimi və kompüter otaqları, idman və akt zalları, kitabxana və yeməkxana müəllimlərin və şagirdlərin istifadəsinə veriləcək. Hazırda tamamlanma işləri görülür.
Şagirdlər bir neçə aydır ki, təhsillərini Qaraçay kənd tam orta məktəbinin inzibati binasında davam etdirirlər. Onlar 10 km məsafədə yerləşən bu məktəbə xüsusi avtobuslarla gedirlər.
Daha öncə yeni məktəbin inşası haqda məlumat vermişdik.
