İsmayıllıdan olan yeniyetmə və gənclər paytaxtda yerləşən I və II Fəxri xiyabanlara, həmçinin Hərbi Qənimətlər Parkını ziyarət ediblər. Bu haqda ShimalNews 11 noyabr tarixində İsmayıllı Rayon Gənclər və İdman İdarəsinə istinadən məlumat verir.
8 Noyabr - Zəfər Günü münasibətilə 10 noyabr tarixində yeniyetmələr Heydər Əliyevin məzarını ziyarət edib, önünə tər çiçəklər düzüblər. Daha sonra gənclər II Fəxri xiyabana gediblər, şəhidlərimizin məzarlarını ziyarət edib, üzərinə gül dəstələri düzüb, onların xatirələrini ehtiramla yad ediblər. Sonda Hərbi Qənimətlər Parkına yollanan qonaqlar düşməndən ələ keçirilən hərbi qənimətlərin müəyyən hissəsi ilə tanış olub və burada yerləşən texnikaları böyük maraqla izləyiblər.
Səfər İsmayıllı rayon Gənclər və İdman İdarəsinin təşkilatçılığı ilə baş tutub, iştirakçılar 8 Noyabr - Zəfər Gününə həsr olunmuş müxtəlif müsabiqə və yarışların qalibləridir.
