İsmayıllı rayonunda 7317 tondan çox tərəvəz məhsulları yığılıb və proses hələ də davam etməkdədir. Bu haqda ShimalNews 8 noyabr tarixində Azərtac-a istinadən məlumat verir.
Cari ildə rayon üzrə 745.8 hektar sahədə tərəvəz əkilib. Əkin ən çox Kürdmaşı, Qalıncaq, Topçu, Diyallı, Qubaxəlilli kəndləri və İsmayıllı şəhər icra nümayəndəliklərində aparılıb. Burada rayonun suvarma suyu ilə təminatı daha yaxşıdır.
Bölgədə əkinin çoxluğunu xiyar və pomidor təşkil edir. Bu da ümumi tərəvəzin 46%-ni təşkil edir. Hazırda kələm və yaşıl lobya yığımı davam edir. Digər məhsulların isə tədarükü başa çatıb.
Cari ildə tərəvəz bitkilərində məhsuldarlıq ötən ildəki göstəricidən yüksəkdir. Rəqəmin 7500 tondan çox olacağı gözlənilir.
