İsmayıllı rayonunun Topçu kəndi ərazisində avtomobil 2 qadını vurub. Bu haqda ShimalNews 9 noyabr tarixində Daxili İşlər Nazirliyinin mətbuat xidmətinə istinadən məlumat verir.
Hadisə noyabrın 7-də saat 22:00 radələrində baş verib. Qurbanəfəndi kənd sakini D.Ələsgərov idarə etdiyi “VAZ-2101” markalı avtomobillə yolu keçən Bakı şəhər sakinləri L.Dadaşova və D.Hacıyevanı vurub.
Nəticədə piyada Dadaşova hadisə yerində ölüb, Hacıyeva isə xəstəxanaya yerləşdirilib.
DİN-in Baş İstintaq və Təhqiqat İdarəsi tərəfindən araşdırma aparılır.
