İsmayıllı rayonunda xeyli sayda at və uzunqulaq cəsədlərinin qalıqları tapılıb. Bu barədə ShimalNews 28 noyabr tarixində Report-a istinadən məlumat verir.Bu hal Tingçilik adlanan ərazidə baş verib. Heyvan qalıqlarının ora necə atılması hələ də məlum deyil. İddia edilir ki, həmin heyvanların ətləri rayonda mal əti adı ilə insanlara satılıb.
Daxili İşlər Nazirliyinin Mətbuat Xidmətindən bildirilib ki, İsmayıllı Rayon Polis Şöbəsinin və Azərbaycan Qida Təhlükəsizliyi Agentliyinin (AQTA) əməkdaşlarının rayon ərazisində qanunsuz ət kəsiminə qarşı birgə keçirdikləri tədbirlər nəticəsində son aylarda üç fakt aşkarlanıb:
“Həmin əməli törədən şəxslər məsuliyyətə cəlb olunublar, hazırda polis şöbəsinin təhqiqat və istintaq bölməsində müvafiq araşdırmalar davam etdirilir”.
Hazırda rayonda yararsız ət satılması ilə bağlı iddialar isə keçirilən monitorinqlər zamanı öz təsdiqini tapmayıb.
AQTA-nın şöbə müdiri Mansur Piriyev qeyd edib ki, məsələ nəzarətə götürülüb və müvafiq dövlət qurumları ilə birgə araşdırmalara başlanılıb.
