İsmayıllıdan olan Vətən müharibəsi şəhidi Ruslan Tağıyevın iyunun 12-si mövlud günüdür. Bu haqda 10 iyun tarixində ShimalNews məlumat verir.
Polkovnik-leytenant Tağıyev Vətən müharibəsi başlayan zaman Kəlbəcər, Tərtər, Suqovuşan döyüşlərində şərəflə vuruşub və noyabrın 4-də Laçın istiqamətindəki döyüşlərdə şəhid olub. O, II Fəxri xiyabanda dəfn olunub.
Polkovnik-leytenantın döyüş orden və medallarını təqdim edirik:
- "Hərbi xidmətdə fərqlənməyə görə" 3-cü dərəcəli medalı
- "Azərbaycan Silahlı Qüvvələrinin 90 illiyi" yubiley medalı
- "Qüsursuz xidmətə görə" 3-cü dərəcəli medalı
- "Azərbaycan Silahlı Qüvvələrinin 95 illiyi" yubiley medalı
- "Qüsursuz xidmətə görə" 2-ci dərəcəli medalı
- "Azərbaycan Ordusunun 100 illiyi" yubiley medalı
- "Qüsursuz xidmətə görə" 1-ci dərəcəli medalı (ölümündən sonra)
- "Vətən uğrunda" medalı (ölümündən sonra)
- "İgidliyə görə" medalı (ölümündən sonra)
- "Laçının azad olunmasına görə" medalı (ölümündən sonra)
- "Suqovuşanın azad olunmasına görə" medalı (ölümündən sonra).
Ruslan Tağıyev ailəli idi, 3 övladı Vətənə əmanət qalıb.
İyun ayının 12-si saat 10:00-da Bakıda yerləşən II Şəhidlər xiyabanında məzarı ziyarət olunacaq.
