Bu gün jurnalist Cəmil Məmmədlinin cinayət işi üzrə Sumqayıt Ağır Cinayətlər Məhkəməsində iclas keçirilib. Bu barədə ShimalNews 29 fevral tarixində məlumat verir.
Prokuror irəli sürülmüş ittihamların sübuta yetirildiyini qeyd edərək, onun 8 il 3 ay müddətinə azadlıqdan məhrum edilmə tələbini irəli sürüb. Müdafiə tərəfinə çıxışa hazırlaşmaq üçün vaxt verilib.
C.Məmmədli 2022-ci il dekabrın 15-də rayon sakini C.Ağabalayevlə münaqişə zamanı əl və ayaqla xəsarətlər yetirmək və anasının bədən nahiyəsinə zərbələr endirməklə xuliqanlıq əməli törətməkdə günahlandırılır. Jurnalistə dələduzluq – xeyli miqdarda ziyan vurmaq, hədə-qorxu ilə tələb etmə, təkrar hədə-qorxu ilə tələb etmə və xuliqanlıq maddələri ittihamı irəli sürülüb. Cəmil isə bütün bunları rədd edir.
