Quba Olimpiya İdman Kompleksinin direktoru və mühasibi müəssisəyə yarım milyon manatdan çox ziyan vurmaqda şübhəli bilinirlər.
Baş prokuror yanında Korrupsiyaya qarşı Mübarizə Baş İdarəsinin apardığı araşdırma nəticəsində "Azəridmanservis" MMC-nin Quba İdman, İstirahət, Təlim və Tədris Kompleksinin direktoru Rəşid Orucov və mühasibi Vidadi Şirinovun qanunazidd əməlləri müəyyən edilib.
Hər iki şəxs mənimsəmə və vəzifə cinayətlərində ittiham olunur. İş üzrə dövlətə və ya digər şəxslərə dəymiş ziyanın yarım milyon manatdan çox olduğu bildirilir.
Binəqədi Rayon Məhkəməsinin qərarı ilə Rəşid Orucov və Vidadi Şirinov barəsində həbs qətimkan tədbiri seçilib.
Mənbə: Report.az
