Siyəzən rayonunda qanunsuz dövriyyədə olan zərərli vasitələrə qarşı keçirilən növbəti əməliyyat zamanı külli miqdarda qadağan olunmuş maddə dövriyyədən çıxarılıb.
Shimal.News xəbər verir ki, polis əməkdaşları tərəfindən həyata keçirilən əməliyyat-axtarış tədbirləri nəticəsində həmin maddələrin qanunsuz dövriyyəsini təşkil etməkdə şübhəli bilinən, əvvəllər məhkum olunmuş 40 yaşlı Ş.Bayramova saxlanılıb.
Onun üzərinə və yaşadığı ünvana baxış zamanı ümumilikdə 6 kiloqrama yaxın marixuana, külli miqdarda heroin, psixotrop təsirli metamfetamin, həmçinin psixotrop tərkibli 120 ədəd preqabalin həbi maddi sübut kimi aşkarlanaraq götürülüb.
Faktla bağlı cinayət işi başlanılıb. Məhkəmənin qərarı ilə saxlanılan şəxs barəsində həbs qətimkan tədbiri seçilib. Hazırda istintaq tədbirləri davam etdirilir.
