Ali Məhkəmədə Səfərbərlik və Hərbi Xidmətə Çağırış üzrə Dövlət Xidmətinin Siyəzən və İsmayıllı rayon şöbələrində çalışmış sabiq mayor Turab Yunisov və tanışı Səxavət İbrahimovun kassasiya şikayətini təmin etməyib.
Shimal.News məlumat verir ki, T.Yunisov Siyəzən, Saatlı və İsmayıllı rayon şöbələrində xidmət etdiyi dövrdə tanışı Səxavət İbrahimovla əlbir olaraq müxtəlif şəxsləri aldadıb. Onlar işə düzəltmə, hərbi xidmətdən möhlət alma, müharibə veteranı adı və digər vədlərlə 15 nəfərdən 1000 manatdan 10 min manatadək pul almaqda ittiham olunurlar.
İstintaq materiallarına əsasən, zərərçəkmiş şəxslərin əksəriyyəti vurulan maddi ziyanın geri qaytarılmadığını deyib.
Gəncə Apellyasiya Məhkəməsinin çıxardığı 4 il real həbs qərarı qüvvədə saxlanılıb.
