Şamaxıda həyat yoldaşını ağac parçası ilə döyən şəxs cinayət məsuliyyətindən azad edilib
Shimal.news-un məlumatına görə, hadisə rayonun Quşçu kəndində baş verib.
Belə ki, təqsirləndirilən Cavidin sözlərinə görə, hadisədən əvvəl həyat yoldaşı Günel üç övladı ilə birlikdə itən iribuynuzlu heyvanı axtarmaq üçün evdən çıxıb. Cavid həyat yoldaşı Günel və övladlarını görüb, onlara evə getməyi tapşırıb.
O, heyvanı tapdıqdan sonra evə qayıdıb və Günellə xəbərsiz evdən çıxıb, heyvanı axtarmasına görə mübahisə edib. Bundan sonra qadının evdən xəbərsiz çıxması və nənəsini təhqir etməsi səbəbindən aralarında münaqişə böyüyüb. Mübahisə zamanı o, yerdə olan ağac parçası ilə qadının döyüb.
Məhkəmə istintaqı zamanı təqsirləndirilən şəxs ittiham üzrə özünü təqsirli bilib, əməlinə görə peşman olduğunu və həyat yoldaşı ilə barışdığını bildirib.
Zərərçəkmiş şəxs isə məhkəməyə təqdim etdiyi ərizədə ona dəymiş ziyanın tam ödənildiyini, təqsirləndirilən şəxslə barışdığını və ondan şikayətçi olmadığını deyib.
Şamaxı Rayon Məhkəməsinin qərarı ilə təqsirləndirilən şəxs cinayət məsuliyyətindən azad edilib.
Əsmər Sənani
