Qəbələ rayonunda onlayn qumar oyunlarında iştirak edən şəxs inzibati məsuliyyətə cəlb olunub.
Məlumatına görə, 2000-ci il təvəllüdlü Sərvər Əsədov (ad-soyad şərtidir) mobil telefon vasitəsilə qumar saytlarına daxil olaraq bank kartından bir neçə dəfə pul yatırıb.
O, üç ödənişlə ümumilikdə 43,98 manat məbləğində depozit edib və pul qazancı məqsədilə qumar oyunlarında iştirak edib.
Əsədov barəsində İnzibati Xətalar Məcəlləsinin 525-ci maddəsi ilə protokol tərtib olunub və o, 3 min manat cərimələnib.
Mənbə: Teleqraf.az
