Qəbələnin Solquca kəndində həmkəndlisini qəsdən öldürməkdə təqsirləndirilən Teymur Səfərəliyevə hökm oxunub.
Shimal.News-un məlumatına görə, hadisə 2025-ci il iyunun 16-da baş verib.
İttihama görə, 1986-cı il təvəllüdlü Teymur Səfərəliyev həmkəndlisi, 1974-cü il təvəllüdlü Dəmir Eyvazovu odun daşımaq üçün meşəlik əraziyə çağırıb.
Burada tərəflər arasında mübahisə yaranıb. Dəmir Eyvazovun təhqiramiz ifadələr işlətməsi mübahisəni daha da kəskinləşdirib.
Teymur Səfərəliyev dəhrə ilə Dəmir Eyvazova zərbələr endirib.
İttihama görə, ona ümumilikdə 5 zərbə vurulub. Aldığı ağır xəsarətlər nəticəsində Dəmir Eyvazov hadisə yerində həyatını itirib.
Məhkəmənin hökmü ilə Teymur Səfərəliyev 10 il 6 ay müddətinə azadlıqdan məhrum edilib.
Şəki Ağır Cinayətlər Məhkəməsində keçirilən prosesdə Teymur Səfərəliyev 10 il 6 ay müddətinə azadlıqdan məhrum edilib.
