Zaqatalada oktyabrın 13-dən xəbər alınmayan Xəlil Mustafayevin ailə üzvləri redaksiyamıza yeni kamera görüntüləri təqdim ediblər.
Shimal.News xəbər verir ki, 79 yaşlı kişi itkin düşdüyü gün səhər saat 10:00 radələrində "Köhnə şöbə" adlanan ərazidə kameraya düşüb.
Ailə üzvlərinin sözlərinə görə, onun Sevil Qazıyeva istiqamətinə, yoxsa Balakən qapısına tərəf qetdiyi məlum deyil.
Xatırladaq ki, Xəlil Mustafayev oktyabrın 13-də günorta saatlarında yaşadığı evdən çıxıb və geri qayıtmayıb.
Axtarış tədbirləri davam etdirilir.
