Oktyabrın 19-da gözlənilən hava şəraiti açıqlanıb.
Milli Hidrometeorologiya Xidmətinin məlumatına əsasən, şimal rayonlarının bəzi yerlərində arabir yağış yağacağı, şimşək çaxacağı gözlənilir.
Gecə və səhər bəzi ərazilərdə duman olacaq. Qərb küləyi ayrı-ayrı yerlərdə güclənəcək.
Rayonlarda havanın temperaturu gecə 16-19, gündüz 25-30 dərəcə isti, dağlarda gecə 7-12, gündüz 18-23 dərəcə isti olacaq.
Xızı, Şabran, Siyəzən, Xaçmaz, Quba, Qusarda sarı xəbərdarlıq verilib. Həmin ərazilərdə küləyin sürətinin saniyədə 13,9-20,7 metrə çatacağı gözlənilir.
