Qəbələ şəhərində 71 yaşlı piyadanın ölümü ilə nəticələnən qəza ilə bağlı məhkəmə prosesi başa çatıb.
Məlumata görə, Qəbələ Rayon Məhkəməsində Hamlet Yolçuyevin cinayət işi üzrə hökm elan edilib. Məhkəmənin qərarı ilə H.Yolçuyev 4 il müddətinə azadlıqdan məhrum edilib. O, cəzasını məntəqə tipli cəzaçəkmə müəssisəsində çəkəcək.
Hadisə martın 23-də Qəbələ şəhəri ərazisində baş verib. İttihama əsasən, Hamlet Yolçuyevin idarə etdiyi "KIA" markalı avtomobil yolu keçən 71 yaşlı Səmayə Hüseynovanı vurub. Piyada aldığı ağır xəsarətlər nəticəsində həyatını itirib.
Faktla bağlı Qəbələ Rayon Polis Şöbəsində cinayət işi başlanıb.
Mənbə: Oxu.az
