Balakən rayonunda narkotik vasitələrin qanunsuz dövriyyəsinə qarşı əməliyyat keçirilib.
Shimal.News-un məlumatına görə, polis əməkdaşları narkotik tərkibli bitkiləri kultivasiya etməkdə şübhəli bilinən, əvvəllər də analoji əmələ görə məhkum olunmuş 52 yaşlı Elman Balagözovu saxlayıblar.
Onun yaşadığı ünvanda və rayon ərazisindəki qarğıdalı sahəsində 185 ədəd çətənə kolu və 21 kiloqram narkotik vasitə aşkarlanaraq götürülüb.
Faktla bağlı cinayət işi başlanılıb. Məhkəmənin qərarı ilə E.Balagözov barəsində həbs qətimkan tədbiri seçilib.
