Ağsu rayonunda saxta sənədlər hazırlayaraq vətəndaşlara qarşı dələduzluq edən şəxs saxlanılıb.
Shimal.News xəbər verir ki, Ağsu Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində vətəndaşların etibarından sui-istifadə edərək onların maddi vəsaitini ələ keçirən 34 yaşlı Kamran Abdullayev tutulub.
Məlumata görə, K.Abdullayev saxta sənədlər tərtib edərək vətəndaşlara dövlət qurumlarında işlərini guya müsbət həll edəcəyi ilə bağlı yalan vədlər verib və bu yolla onların pul vəsaitini ələ keçirib.
Faktla bağlı toplanmış materiallar baxılması üçün məhkəməyə göndərilib. Məhkəmənin qərarı ilə Kamran Abdullayev barəsində 1 ay müddətinə inzibati həbs tədbiri seçilib.
Polis orqanları bildirir ki, həmin şəxsin analoji əməllərindən zərər çəkmiş vətəndaşlar hüquq-mühafizə orqanlarına müraciət edə bilərlər.
