Zaqatala rayonunda kənd təsərrüfatının inkişafı ilə bağlı mühüm müşavirə keçirilib.
Shimal.News xəbər verir ki, Prezident İlham Əliyevin Sərəncamı ilə təsdiq edilmiş "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafı üzrə 2026–2030-cu illər üçün Dövlət Proqramı"ndan irəli gələn vəzifələr Zaqatala Rayon İcra Hakimiyyətində keçirilən müşavirədə müzakirə olunub.
Tədbirdə aqrar sahədə fəaliyyət göstərən qabaqcıl fermerlər, kənd təsərrüfatı mütəxəssisləri, eləcə də aidiyyəti dövlət qurumlarının nümayəndələri iştirak ediblər.
örüş zamanı fermerlərin və kənd təsərrüfatı müəssisələrinin rəhbərlərinin təklifləri dinlənilib, onları maraqlandıran məsələlər ətrafında fikir mübadiləsi aparılıb.
Qeyd olunub ki, Dövlət Proqramının icrası çərçivəsində kənd təsərrüfatı, balıqçılıq və akvakultura sahələrində yeni imkanların yaradılması, istehsalın artırılması və müasir texnologiyaların tətbiqi əsas prioritetlərdən olacaq.
