Şimal bölgəsinin ornitoloji turizm imkanları 17 iyuladək Böyük Britaniyada təbliğ olunacaq. Bu barədə ShimalNews 16 iyul tarixində Quba Destinasiya Menecmenti Təşkilatına istinadən məlumat verir.
Dövlət Turizm Agentliyinin təşkilatçılığı ilə Azərbaycan nümayəndə heyəti Böyük Britaniyanın Rutland vilayətində keçirilən Qlobal Quş Müşahidəçiliyi (Global Birdfair) turizm sərgisində iştirak edir.
Sərgidə quş müşahidəçiliyi əraziləri olan Xınalıq və Ləzə, Beşbarmaq kimi dağlıq bölgələrin turizm potensialı təbliğ edilir. Burada ziyarətçilərə ölkəmizdəki biomüxtəliflik və əsas quş növləri haqqında məlumat verilir.
