Xaçmazda 1 kq fındıq səyyar avtomobillər tərəfindən 4.60 manata alınır.
Shimal.News-un əldə etdiyi məlumata görə, 10 gün öncə qiymətlər 4.20 - 4.30 manat aralığında olub. Bahalaşmanın səbəbi təsərrüfatçıların satmalı olduğu fındığın azalması və təlabatın artması ilə əlaqələndirilir.
Xaçmazda 10-dan çox fındıq qəbulu məntəqəsi ilə yanaşı, emal və təkrar emal fabrikləri də fəaliyyət göstərir.
Qusarçay kəndində 20 ton məhsul fabrikdə bir gün ərzində emal olunur. Ləpənin 90 %-i Rusiya, Almaniya, İtaliya, Belçika, Özbəkistan, Birləşmiş Ərəb Əmirlikləri və başqa ölkələrə ixrac edilir.
Xaçmazda fındıq bağlarının ümumi sahəsi təxminən 12.000 hektar təşkil edir. Onların 10.000 hektarı barverəndir.
