Xaçmaz rayonu daşınmaz əmlak üzrə ən çox ipoteka müqaviləsi bağlanan beşliyə daxil olub. Bu barədə ShimalNews 27 fevral tarixində Əmlak Məsələləri Dövlət Xidmətinə istinadən məlumat verir.
Ötən il Azərbaycanda girov qoyulan əmlaklar sırasında mənzillər, torpaq sahələri və fərdi yaşayış evləri ilk üçlükdə yer alıb.
Daşınmaz əmlak üzrə müqavilə Bakıda - 40.454 ədəd, Abşeronda - 8.959 ədəd, Sumqayıtda - 4714 ədəd, Gəncədə - 3.207 ədəd və Xaçmazda 3.009 ədəd bağlanıb. Bunu həm də bölgədəki iqtisadi aktivliyin göstəricilərindən biri kimi qiymətləndirmək olar.
Ötən il ən çox torpaq sahəsinin girov qoyulduğu ərazilər sırasında ilk üçlüyü müvafiq olaraq, Bakı, Xaçmaz və Abşeron ərazi idarələri tamamlayır.
