Son vaxtlar ölkə ərazisində müşahidə olunan qeyri-sabit hava şəraiti bir sıra meyvə bağlarına, xüsusilə də çiçəklənmə dövründə olan nektarin bağlarına ciddi ziyan vurub.
Xaçmaz və Zaqatala rayonlarından olan fermerlər üzləşdikləri çətinliklərdən danışıblar.
Fermerlərdən biri bildirib ki, ardıcıl yağan yağışlar bağlarda zəruri işlərin vaxtında görülməsinə mane olub:
"Şaftalı, nektarin və bir qədər də alça bağım var. Yağışlar fasiləsiz yağdığı üçün işlərimizi vaxtında başa çatdıra bilmədik. Bundan əlavə, dərman preparatlarının vaxtında çilənməməsi, çilənən dərmanların isə yağışla yuyulub getməsi böyük ziyana səbəb oldu. Bu il, demək olar ki, məhsulun 85-90 faizi məhv olub. Təxminən 8-9 min manat zərərə düşmüşəm".
Video: Baku TV
