May ayı olmasına baxmayaraq, Bakıda gilas yüksək qiymətlərlə satılır.
Globalinfo.az-ın məlumatına görə, paytaxtın mərkəzinə yaxın ərazilərdə yerləşən kiçik meyvə-tərəvəz mağazalarında gilasın bir kiloqramının qiyməti 25-30 manat arasında dəyişir.
Satıcılar qiymət fərqini məhsulun keyfiyyəti və mənşəyi ilə əsaslandırırlar. Onların sözlərinə görə, bu gilaslar əsasən Xaçmaz rayonundan gətirilir və mövsümün ilk məhsulları olduğu üçün baha satılır.
Paytaxtın kənar ərazilərində isə qiymətlər nisbətən aşağıdır. Bu bölgələrdə gilasın kilosu 5-11 manat arasında təklif olunur.
