Xaçmazda süd məhsuldarlığında rekord nəticə əldə olunub. Bu haqda ShimalNews 15 may tarixində Az TV-yə istinadən məlumat verir.
İnəklərin “simmental” cinsi Almaniya və Avstriyada yaransa da, ən yüksək məhsuldarlığı Azərbaycanda verib. Vətənində inək başına günlük 30 litr süd verən bu iribuynuzlu Yalama və Xaçmaz Aqroparkda 33.6 litr göstərici ilə önə çıxıb.
“305 gündə Avstriyada 7.300 litr bir heyvan süd verir. Bavariyada 7.800 litr süd verir, bizdə aprel ayının ortalama nəticəsi 8.800 litr olub”, - deyə təsərrüfatçı Rauf Mailov bildirib.
Məhsuldarlığın artmasına təsir edən amillərdən biri də yem bazasıdır. Ona görə hər il 1.300 hektardan çox sahədə müxtəlif bitkilər yetişdirilir. Torpaqlardan səmərəli istifadə etmə məqsədilə siloslu qarğıdalı ildə iki dəfə eyni sahədə əkilir. Heyvanların yemlənməsi isə qruplar şəklində həyata keçirilir.
[video width="1280" height="720" mp4="https://shimal.news/storage/photos/2024/05/aztv.mp4"][/video]
