Son illərdə Azərbaycanda daxili turizmə maraq əhəmiyyətli dərəcədə artıb.
Dövlət Statistika Komitəsinin məlumatına görə, 2024-cü ildə daxili səfərlərin böyük hissəsi - 40,2%-i istirahət və əyləncə məqsədilə edilib.
Turistlər ən çox təbiət mənzərələri və infrastrukturu ilə seçilən rayonlara üz tutublar. Bu məkanlar Qusarda Şahdağ Turizm Mərkəzi, Qubada meşələr və Xınalıq kəndi, Qəbələdə Nohur gölü, Yeddi gözəl şəlaləsi və Şəkidə Xan Sarayı olub.
Eləcə də Qax, Zaqatala, Balakən rayonları ekoturizm və dağ yürüşlərini sevənlərin diqqətində olub. Xüsusilə, İlisu şəlaləsi, Katex çayı və Qaxın qədim qəsrləri bu bölgəyə səfər edən turistlərin əsas ziyarət nöqtələri arasında yer alıb.
