Payız mövsümü həm də qışa hazırlıq dövrü kimi yadda qalır. Bu aylarda əsasən meyvə və tərəvəzlərdən müxtəlif turşular, kompotlar və digər qış tədarükləri hazırlanır.
Süfrələrin əvəzolunmaz məzələrindən olan kələm, xiyar, badımcan, sarımsaq, alça, zoğal, gilas, eləcə də müxtəlif göyərtilərdən hazırlanan turşular bazar və marketlərdə alıcılara təqdim olunur. Məhsulların qiyməti isə növündən, hazırlanma üsulundan və tərkibindən asılı olaraq dəyişir.
İsmayıllıdan olan satıcıların sözlərinə görə, turşuların maya dəyərinin formalaşmasına istifadə olunan məhsul və vasitələrin, qablaşdırmanın, eləcə də digər ərzaqların qiymətindəki artım da təsir göstərir.
Video: XəzərXəbər
