Siyəzən rayonunda maliyyə xidmətləri sahəsində vətəndaşların müraciətlərinin dinlənilməsi məqsədilə növbəti səyyar görüş keçirilib.
Shimal.News xəbər verir ki, tədbir Azərbaycan Mərkəzi Bankı tərəfindən vətəndaş hüquqlarının qorunması və maliyyə xidmətlərinin keyfiyyətinin artırılması məqsədilə təşkil olunub.
Görüş zamanı Mərkəzi Bankın nümayəndələri sakinlərin müraciətlərinə baxaraq qanunvericiliyə uyğun prosedurlar barədə ətraflı izahat veriblər.
Müraciətlər əsasən kredit əldə olunması, kredit öhdəlikləri üzrə güzəştlər, ATM quraşdırılması, kredit tarixçəsində məlumatların düzgün əks olunmaması və digər maliyyə məsələləri ilə bağlı olub.
Bildirilib ki, müraciətlərin bir hissəsi yerində həllini tapıb, əlavə araşdırma tələb edən məsələlər isə aidiyyəti qurumlar üzrə qeydiyyata alınaraq icraya yönləndirilib.
Vətəndaşlar əlavə sual və təkliflərini Mərkəzi Bankın elektron müraciət sistemi vasitəsilə və ya "966" Çağrı Mərkəzi üzərindən ünvanlaya bilərlər.
