Əmlak Məsələləri Dövlət Xidməti (ƏMDX) sentyabrın 2-də keçiriləcək növbəti torpaq hərraclarını elan edib.
Shimal.News xəbər verir ki, hərraclarda müxtəlif rayon və şəhərlərin bələdiyyələrinə məxsus ümumilikdə 17 torpaq sahəsi satışa və uzunmüddətli icarəyə çıxarılacaq. Siyahıda Siyəzən və Zaqatala rayonlarına aid torpaq sahələri də yer alıb.
Hərraclarda iştirak etmək istəyən şəxslərin müraciətləri 3–31 avqust 2026-cı il tarixlərində qəbul ediləcək. Torpaq sahələri və müqavilə layihələri ilə isə 1 sentyabr tarixinədək ƏMDX-nin müvafiq ərazi şöbələrində tanış olmaq mümkündür.
Hərraca çıxarılan şimal bölgəsinə aid torpaq sahələri bunlardır:
Siyəzən rayonu, Yenikənd bələdiyyəsi (Yenikənd kəndi) – 6 hektar torpaq sahəsi 15 illik icarəyə, ilkin qiymət 660 manat. Hərrac ƏMDX-nin Sumqayıt ərazi şöbəsində keçiriləcək.
Siyəzən rayonu, Həmyə bələdiyyəsi (Beşdam kəndi) – 600 kvadratmetr torpaq sahəsi satışa, ilkin qiymət 3 204 manat. Hərrac Sumqayıt ərazi şöbəsində təşkil olunacaq.
Zaqatala rayonu, Gözbarax bələdiyyəsi (Gözbarax kəndi) – 1 hektar torpaq sahəsi 15 illik icarəyə, ilkin qiymət 309 manat. Hərrac ƏMDX-nin Şəki ərazi şöbəsində keçiriləcək.
