Qazaxıstanın Baş naziri Oljas Bektenov Xəzər dənizinin dibi ilə fiber-optik rabitə xəttinin çəkilməsi planlarını açıqlayıb.
Azərtag.az-ın məlumatına görə, bu barədə nazir iqtisadiyyatın perspektivli sahələrində əsas layihələrin müzakirə olunduğu hökumətin geniş iclasında danışıb.
Onun sözlərinə görə, layihənin icrasına bu ildən başlanılacaq.
Sualtı xəttin əsas marşrutu Qazaxıstanın Aktau şəhərindən Azərbaycanın Siyəzən şəhərinə qədər uzanacaq və uzunluğu 340 kilometrdən çox olacaq. Qazaxıstanın Kurık şəhərindən Bakı yaxınlığındakı Buzovna kəndinə təxminən 330 kilometr uzunluğunda ehtiyat kanal da çəkiləcək.
