Bu ilin yanvar-sentyabr aylarında mehmanxana (hotel) və mehmanxana tipli obyektlərdə keçirilmiş gecələmələrin sayı ötən ilin eyni dövrü ilə müqayisədə 25,2 % artaraq 3 milyon 269 min olub.
Shimal.News xəbər verir ki, gecələmələrin ümumi sayının 5,6 %-i Xaçmazda, 4,3 %-i Qusarda, 4,3 %-i Qubada, 4 %-i Qəbələdə, 3,6 %-i isə Şabrandakı mehmanxanalarda (hotellərdə) və mehmanxana tipli obyektlərdə qeydə alınıb.
Bundan əlavə, əcnəbilərin və vətəndaşlığı olmayan şəxslərin ölkəmizdə keçirdiyi gecələmələrin sayı 2023-cü ilin doqquz ayı ilə müqayisədə 27 % artaraq 1 milyon 772,2 min olub ki, bu da ümumi gecələmələrin 54,2 %-dir. Bunun da 4,3 %-i Qusarda, 3,5 %-i Qubada, 0,6 %-i isə Şabranda qeydə alınıb.
