Quba, Qusar və Siyəzən rayonlarında özünəməşğulluq fəaliyyətini qurmaq istəyən xanımlar üçün təlim keçirilib. Bu barədə ShimalNews 29 iyul tarixində məlumat verir.
Görüşdə, ilk növbədə, “Özünəməşğulluq fəaliyyətinin təşviqi” layihəsinə start verildiyi bildirilib. Onun icrası İnnovativ İnkişafa Dəstək ictimai birliyi tərəfindən, maliyyələşdirilməsi isə Qeyri-Hökumət Təşkilatlarına Dövlət Dəstəyi Agentliyi tərəfindən həyata keçirilir.
Daha sonra layihənin təlimçisi Rafət Şirəliyev xanımlara özünəməşğulluq fəaliyyətinin qurulması, onun üstünlükləri, sahibkarlıq, mikro və kiçik sahibkarlıqların idarə edilməsi, dövlət dəstəyi proqramları və onlardan faydalanmağın yolları kimi mövzular üzrə təlim keçib. Sonda iştirakçılara sertifikatlar təqdim edilib.
