2024-cü ildə baş vermiş hadisələr nəticəsində kartof sahələrinə dəyən zərərə görə fermerlərə 11 min 178,64 manat ödəniş edilib.
Shimal.News xəbər verir ki, Aqrar Sığorta Fondunun məlumatına görə, ötən il ölkədə kartof əkinlərinin ümumi sahəsi 46 min 748,6 hektar təşkil edib. Ən çox kartof əkini Qazax-Tovuz (22 min 028,3 ha), Lənkəran-Astara (7457 ha), Şəki-Zaqatala (3961 ha), Quba-Xaçmaz (3932 ha) iqtisadi rayonlarının ərazisində yerləşir.
Daxili bazarın kartofa olan tələbatı əsasən yerli istehsal hesabına qarşılanır. İqlim şəraitindən, coğrafi amillərdən asılı olaraq Azərbaycanda kartof əkini prosesi fevral ayından başlayır və müxtəlif rayonlarda aprelin sonuna qədər davam edir.
Qeyd edək ki, ümumilikdə təkcə keçən il ərzində aqrar sektora dəymiş zərər üzrə sığortalı təsərrüfatlara edilən sığorta ödənişi 6,4 milyon manat təşkil edib.
