İyun ayı, isti hava, bölgələrin gözəl vaxtı. Qurban bayramı üçün verilən 4 günlük tətili fürsət bilənlər rayonlara üz tutacaq.
Xezerxeber.az-ın məlumatına görə, otellərdə sıxlıq olacaq. Bu isə qiymətlərə təsir edəcək.
Artıq əksər otellərdə yerlər rezerv olunub. Quba-Qusar-Xaçmazda 5 ulduzlu otellər həftə içi 100-150 manat, həftə sonu 250 manatdırsa, bayram günləri bu rəqəm 20-30% daha baha təklif olunur. Hazırda Şəki-Qax-Zaqatala bölgəsində qiymətlər 130-170 manat aralığında dəyişir.
Turizm üzrə ekspert Rəhman Quliyev deyir ki, artıq Qurban bayramında vətəndaşlar daha çox Qarabağa üz tuturlar. Ekspertlər bildirir ki, bayramdan sonra hotel qiymətlərində ucuzlaşma müşahidə ediləcək.
