Bu ilin yanvar ayında Azərbaycanda istehlak qiymətləri ötən ilin eyni dövrü ilə müqayisədə 5,7% artıb.
Dövlət Statistika Komitəsinin məlumatına görə, yanvarda qida məhsulları, alkoqollu içkilər və tütün məmulatları 7,1%, qeyri-qida məhsulları 3,5%, əhaliyə göstərilən ödənişli xidmətlər isə 5,6% bahalaşıb.
Qeyd edək ki, şimal rayonlarında ən yüksək qiymət artımı İsmayıllıda qeydə alınıb. Bu ilin yanvar ayında İsmayıllı rayonunda istehlak qiymətləri 10,1% bahalaşıb.
Əvvəlki ilin yanvar ayı ilə müqayisədə bu ilin yanvar ayında istehlak qiymətləri ən az isə Xızı rayonunda artıb – 3,3%.
Şimal rayonları üzrə bu ilin yanvar ayında qeydə alınan qiymət artımı aşağıdakı kimi olub:
İsmayıllı rayonu – 10,1%
Xaçmaz rayonu – 7,8%
Zaqatala rayonu – 7,5%
Qax rayonu – 7,0%
Şabran rayonu – 6,7%
Oğuz rayonu – 6,6%
Qusar rayonu – 6,4%
Siyəzən rayonu – 6,4%
Ağsu rayonu – 6,3%
Qəbələ rayonu – 5,8%
Quba rayonu – 5,5%
Şəki rayonu – 5,0%
Şamaxı rayonu – 4,2%
Balakən rayonu – 3,6%
Xızı rayonu – 3,3%
