Bu il “Samur” gömrük postundan 457.600 ton meyvə-tərəvəz ixrac olunub. Bu barədə ShimalNews 29 dekabr tarixində Azərtac-a istinadən məlumat verir.
Ümumi dəyəri 427.826.000 ABŞ dollar olan məhsulun 337.234 tonunu meyvə və 120.366 tonunu tərəvəz təşkil edir.
Xaricə satılan meyvələr sırasında alma xüsusi yer tutur. Onu ölkədən 3.826 yük avtomobili ilə (79.845 ton) çıxarıblar. Bu isə ötən ildən 14.433 ton çoxdur.
2021-ci ildə “Samur” gömrük postundan xaricə 433.972.000 ABŞ dolları dəyərində 501.187 ton meyvə-tərəvəz məhsulları ixrac olunmuşdu.
