Şimal turizm dəhlizləri boyunca yerləşən, habelə öz unikal cəlbediciliyi ilə seçilən təbiət ərazilərində və ekoturizm potensialı olan digər ərazilərdə tur keçirilib. Bu haqda ShimalNews 14 dekabr tarixində xəbər verir.
İnfotur Dövlət Turizm Agentliyinin təşkilatçılığı, Ekologiya və Təbii Sərvətlər Nazirliyinin dəstəyi ilə təşkil olunub. Burada müxtəlif turoperator və turagentliklərin əməkdaşları, media nümayəndələri, videoblogerlər və müstəqil bələdçilər iştirak ediblər.
Azərbaycanda ekoturizmi inkişaf etdirmək və bu növ fəaliyyətləri təşviq etmək məqsədilə təşkil olunan səfər çərçivəsində Quba, Qusar, İsmayıllı və digər rayonların əraziləri ziyarət olunub.
