“Dördü bir arada: regionlarda startap və inkubasiya proqramı” layihəsi Quba-Xaçmaz və Dağlıq Şirvan iqtisadi rayonlarında təşkil ediləcək. Bu barədə ShimalNews 14 aprel tarixində məlumat verir.
Layihə çərçivəsində Biznes İnkubasiya Mərkəzi (BİM) yaradılacaq. Keçiriləcək təlim, mentorluq, bootcamp, sərgi, "demoday" və digər fəaliyyətlərdən faydalanaraq startapını (biznesini) qurmaq və ya bu sahədə özünü sınamaq istəyənlər (təhsilverənlər, təhsilalanlar, sahibkarlar və digər maraqlı şəxslər) qeydiyyatdan keçərək, müraciət edə bilərlər.
Müraciət edənlər arasından 80 nəfər seçiləcək. İştirakçıların siyahısı mayın 5-i elan ediləcək. Onların 40 nəfərinin Quba-Xaçmaz iqtisadi rayonundan, 40 nəfərinin isə Dağlıq Şirvan iqtisadi rayonundan olacağı nəzərdə tutulub.
Təlim, mentorluq və digər xidmətlərin (üzbəüz şəraitdə olmaqla) müvafiq olaraq, Quba, Xaçmaz, Şamaxı və İsmayıllıda təşkil edilməsi nəzərdə tutulub.
Əlavə məlumat üçün mobil nömrə: +994 55 768 02 45
Qeydiyyat üçün link: https://docs.google.com/forms/u/0/d/14QdZQ-e1gTal-hhGmrTelJ9Gq4ZuiyOek2R1OlCaIXI/viewform?fbclid=IwAR0W01hU7TlE5jQn8yS9E-FxSqchzlQiRtdZ9cDr2rtE_pTUkV0J8Hyae6A&edit_requested=true
Son müraciət tarixi: 1 may.
