Azərbaycanda xarici ticarət əməliyyatlarının asanlaşdırılması, bioloji təhlükəsizliyin gücləndirilməsi və yerli kənd təsərrüfatı məhsullarının xarici bazarlara çıxışının genişləndirilməsi istiqamətində yeni tədbirlər nəzərdə tutulur.
Shimal.News xəbər verir ki, bu barədə 2027–2032-ci illər üçün qida təhlükəsizliyinin təmin edilməsinə dair Dövlət Proqramında qeyd olunur.
Proqrama əsasən, idxal və ixrac əməliyyatları zamanı dövlət sərhədindən buraxılış məntəqələrinə yaxın ərazilərdə qida təhlükəsizliyi, baytarlıq və fitosanitar nəzarət üzrə müasir məntəqələrin yaradılması planlaşdırılır.
Bununla yanaşı, transsərhəd heyvan xəstəliklərinin və bitki zərərvericilərinin yayılmasının qarşısının alınması məqsədilə qonşu ölkələrlə əməkdaşlığın gücləndirilməsi nəzərdə tutulur.
Qeyd edək ki, kənd təsərrüfatı məhsullarının istehsalı və emalı üzrə ayrıca 2026–2030-cu illər Dövlət Proqramı da 25 may 2026-cı ildə təsdiqlənib.
