Lütfi Zadə adına riyaziyyat-məntiq olimpiadası və məktəblilərarası fənn müsabiqələrinin rayon (şəhər) mərhələsinin nəticələri açıqlanıb.
Shimal.News xəbər verir ki, nəticələrə əsasən, Şəki-Zaqatala Regional Təhsil İdarəsinin tabeliyində fəaliyyət göstərən ümumi təhsil müəssisələrindən 815 şagird yarımfinal mərhələsinə vəsiqə qazanıb.
Şimal-qərb bölgəsi üzrə keçirilən rayon turunda ümumilikdə 3185 şagird iştirak edərək öz bilik və bacarıqlarını sınayıb.
Qeyd edək ki, olimpiada və müsabiqələrin yarımfinal mərhələsinin mayın 2-də keçirilməsi nəzərdə tutulur.
