Şabran şəhərində bir sıra çoxmənzilli ictimai yaşayış binalarında cari təmir işləri həyata keçiriləcək.
Valyuta.аz-ın məlumatına görə, bununla bağlı Şabran Rayon İcra Hakimiyyəti müvafiq tender elan edib və artıq tenderə yekun vurulub.
Heydər Əliyev prospekti, M.Ə.Rəsulzadə, Nizami və Tofiq Abbasov küçələrində çoxmənzilli ictimai yaşayış binalarında aparılacaq təmir işləri ilə bağlı elan edilən tenderin qalibi “Avtoyoltikintiservis” MMC olub.
Tərəflər arasında 32.000 AZN dəyərində müqavilə imzalanıb.
"Avtoyoltikntiservis” MMC populyar şirkət olmasa da, tenderlərdə fəal iştirak edir. Dövlət satınalmalarının elektron portalına yerləşdirilən məlumatlardan aydın olur ki, şirkətin əsas sifarişçiləri icra hakimiyyətləri və onlara tabeli qurumlardır.
Bunlara nümunə olaraq
- 23.09.2022 tarixində Beyləqan Rayon İcra Hakimiyyəti ilə;
- 30.09.2022 tarixində Sabirabad Rayon İcra Hakimiyyəti ilə;
- 24.11.2022 tarixində Şəki Şəhər İcra Hakimiyyəti ilə;
- 15.12.2022 və 13.10.2023 tarixlərində Qax Rayon İcra Hakimiyyəti ilə;
- 15.08.2023 tarixində Zərdab Rayonu İcra Hakimiyyəti ilə;
- 31.08.2023 və 28.09.2023 tarixlərində Laçın Rayon İcra Hakimiyyəti ilə;
- 20.11.2023 və 12.12.2024 tarixlərində Neftçala Rayon İcra Hakimiyyəti ilə;
- 24.11.2023 tarixində Salyan Rayon İcra Hakimiyyəti ilə;
- 15.12.2023 tarixində Ucar rayon İcra Hakimiyyəti ilə;
- 22.12.2023 tarixində Kürdəmir Rayon İcra Hakimiyyəti ilə imzalanan müqavilələri göstərmək olar.
Həmçinin bir neçə dəfə də icra hakimiyyətlərinə tabeli qurumların elan etdiyi tenderlərin qalibi olub.
Əlavə edək ki, "Avtoyoltikintiservis" MMC 100 manat nizamnamə kapitalına sahibdir və 16 mart 2020-ci ildə dövlət qeydiyyatına alınıb. Qanuni təmsilçisi Məmmədov Ramin Adil oğludur.
