Azərbaycanda iqtisadi rayonlar sırasında Quba-Xaçmaz zonası alma istehsalının 72,2 %-ni təmin edir. Azərbaycanın torpaq və iqlim şəraiti və dünyanın ən böyük alma idxalçısı olan Rusiya Federasiyası ilə həmsərhəd olması alma istehsalı sahəsində ixracatçı dövlət olmağa tamamilə imkan verir.
Modern.az-ın məlunatında görə, Rusiyada meyvə ticarəti ilə məşğul olan azərbaycanlı sahibkarlar həmin bazar tələbatının böyük hissəsi ölkənin cənub regionlarında yetişdirilən məhsul hesabına ödəyib. Lakin müxtəlif səbəblərdən alma qiymətləri artıb və bəzi supermarketlərdə alma tapmaqda çətinliklər yaşanır.
Azərbaycanda əsasən almanın 300-dən çox müxtəlif sortları becərilir. Bunlardan 60-ı sənaye üçün əhəmiyyətlidir. İntensiv tipli alma bağından yüksək məhsul əldə etməklə hər hektardan 5000-5500 manat mənfəət alınır. Rentabellik səviyyəsi isə 55 %-dən çox olur.
