Son bayram tətilində Qusar rayonunun Laza kəndinə gələn qonaqların sayında nəzərəçarpacaq artım müşahidə olunur.
Shimal.News məlumat verir ki, Böyük Qafqaz dağlarının ətəyində yerləşən Laza öz füsunkar təbiəti, şəlalələri və təmiz havası ilə yerli və xarici turistlərin diqqətini cəlb edir.
Qonaqlar əsasən dağ yürüşləri, foto turları və təbiət qoynunda istirahət üçün bu bölgəni seçirlər. Son illərdə kənddə qonaq evlərinin və turizm xidmətlərinin artması da bu marağın yüksəlməsinə təsir göstərib.
Yerli sakinlər bildirirlər ki, turist axınının çoxalması kənddə iqtisadi canlanmaya səbəb olub, yeni iş imkanları yaradılıb.
