Qusarın Langu kəndi ərazisində yerli və dünyanın müxtəlif ölkələrindən gətirilmiş ağac tingləri, dekorativ bitkilər və güllər yetişdirilir. Bu barədə ShimalNews 17 iyun tarixində Azərtac-a istinadən məlumat verir.
Təsərrüfatın 24 ha sahəsi var, ondan 21 ha tingçilik üçün istifadə olunur.
“Bizim təsərrüfat 2024-cü ilin fevral ayından fəaliyyətə başlayıb. Burada dünyanın müxtəlif ölkələrindən gətirilmiş dekorativ bitkilər becəririk. Həmin bitkiləri çoxaldıb, satışını təşkil edirik. Məqsəd təkcə qazanc əldə etmək deyil. İstəyirik, ətraf gözəlliklə dolu olsun. İnsanlar bir-birindən gözəl evlər tikirlər. Həyətlərini, divarlarını bu dekorativ güllərlə, bitkilərlə bəzəyəndə baxanların zövqünü oxşayır. Bitkilərin qiymətləri növünə və ölçüsünə görə dəyişir. 3-5 manata da bitkilər var. Böyük ağaclarımız 50-60 manatdır. Bütün ağac və kollara müasir sistemlə qulluq olunur. Damcı üsulu ilə suvarılır. Ən əsası becərilən bitkilər yerli şəraitə tam uyğunlaşır”, - deyə təsərrüfatın nümayəndəsi Hüriyyə Rüstəmova bildirib.
Hazırda 3 ha sahədə dekorativ ağac və kollardan ibarət park salınır. Eləcə də nilufər çiçəkləri yetişdirmək üçüm süni gölün yaradılması da nəzərdə tutulub.
[video width="1280" height="720" mp4="https://shimal.news/storage/photos/2024/06/171853338045846287_1.mp4"][/video]
